 |
| التابليت اللي اشتريته |
مؤخرا ابتديت أجرب اختراع التابليت لأول مرة، واكتشفت انها مفيد جدا في التلوين لسببين:
- من حيث السرعة: لأني ببقى متحكم بشكل أحسن في حركة المؤشر على الشاشة، ومش بضطر اعمل زوم كتير واغير حجم الفرشاة.
- من حيث الكفاءة: لأني ممكن اتحكم في ضغطة القلم نفسها بحيث يتغير سمك الخط ومدى شفافيته تبعا لضغطة الإيد، وده فادني كتير في التظليل والإضاءة.
 |
| فرق معايا التابليت في التظليل والإضاءة |
أما في التحبير، لغاية دلوقتي ماجربتش ارسم بيه رسمة كاملة، بس من اللعب كده بشكل عشوائي لقيته مش بطال، وان كان عندي مشكلة بسيطة، هي إني معرفش ارسم خط مضبوط -مش مهزوز- غير في اتجاهات معينة، يعني معنديش مشكلة في رسم خط أفقي كويس، انما الخطوط الرأسية ضايعة مني شوية وبالتالي بضطر أغير زاوية الورقة عشان اعرف ارسمها، وده ما ينفعش في التابليت، لو غيرت زاويته بتلغبط في الاتجاهات ومش بعرف اسيطر على حركة المؤشر قوي.
 |
| تجربة استخدمت فيها التابليت من البداية للنهاية |
بس نقطة مهمة، عشان الناس اللي بتتعقد :) كل اللي بيتعمل بالتابليت ممكن يتعمل بالماوس، الفكرة هنا في السرعة والإنجاز.
أزال المؤلف هذا التعليق.
ردحذفممتاز ! معقول أوي ! :D
ردحذفبالمناسبة، جايبه منين من مصر ؟... أنا عندي واحد Genius أي كلام كده... عايز أجدد :D
ايوة انا جايبه من مصر، من مول الكمبيوتر اللي في شلرع جامعة الدول، أول مول من التلاتة وانت جايي من مصطفى محمود، هتلاقيه ع اليمين
ردحذفبس هو مش جامد قوي يعني، غالبا هتلاقيه زي جنياس اللي معاك.